扫街王出现了！哗等阵，原来我哋有特别嘉宾乱入 – 杜如科！杜如科介绍完东京美食重返香港之后，同我哋报料话 荔枝角 有好多美食，有水蜜桃糯米糍，又有1尺长热狗，又有劲劲劲辣汁烧卖！证明 荔枝角 唔单止係工业区同长者住宅区，更加係扫街必去之处，去片！

第一站：丧吞1尺长热狗

知道杜如科食得，所以第一站就食一个劲量级美食，1尺长巨热狗！食物最主要当然是以体积作卖点，但同时店舖使用了自家即日製的的巨型麵包，所以麵包食落有咬劲。大家可以call几个大食仔女叫一份一齐share食。

Hero Sandwich

地址：荔枝角长义街9号D2 Place 3楼306号舖

电话：2880 9260

营业时间：星期一至日: 12:00-21:00

第二站：大热$11手掌咁大绿茶糯米糍店 全新水蜜桃糯米糍

小店将长洲芒果糯米糍玩进化，成为绿茶芒果糯米糍同益力多芒果糯米糍。咁得意杜如科当然要试下，点知去到我哋再发现全新水蜜桃糯米糍，味道好夹之余，皮又薄果肉馅又大件，吕宋芒果肉有2cm厚，水蜜桃果肉有3cm厚。最重点就係价钱只係$12(水蜜桃糯米糍)同$11(绿茶芒果糯米糍)。

Tips: 记得记得，糯米糍的出货时间是一日的12:00，15:00，18:00。

王孖记菓子

地址：荔枝角青山道475A号地下A舖

电话：5592 9088

营业时间：

星期一至五: 08:30-20:00

星期六: 08:30-15:00

星期日及公众假期休息

第三站 工厂隐世汉堡包

行行下荔枝角，发现原来连工厦小店都一样有美食！这间位于后巷的小店，主要卖炒粉炒饭，但就有提供其他麵包类食物。今次杜如科就试咗一个日式芥末汉堡包，热辣辣即时製作的汉堡包，所使用的芥末汁相当有味，令整个汉堡相当入口，下午茶少少饿可以谂一谂。

永泰小食

地址：荔枝角青山道558号永盛工业大厦25号

电话：2744 4466

营业时间：

星期一至六: 09:00-19:00

星期日: 休息

第四站 地胆推介劲辣烧卖

杜如科事前千叮万嘱，去荔枝角扫街，一定要食昌华街烧卖，烧卖太普通？错啦！佢嘅特色超级劲劲劲辣汁真係相当可怕，点少少已经好辣，烧卖都蒸得刚刚好，行过欢迎大家放低$5挑机。

金华美食

地址：长沙湾昌华街20号金华阁

营业时间：星期一至日: 07:00-21:00

第五站：工厦进口食物特卖场 扮嘢巨峰提子啫喱

荔枝角一大特色就是有很多工业大厦，而这些工厦又收收埋埋很多特别小店。今次介绍一间楼上店，特色就是卖很多特色进口食物饮品。杜如科就试咗一个外型似足提子的巨峰提子啫喱，大大粒圆型啫喱有个特别的食法，详情记得睇片睇佢示範食。另一个介绍的就是日本芝士蟹盖通心粉，一个个包好蟹芝士与通粉的盖，份量唔大一叮就食得，係宵夜之选，食法详情按我。

Oyster Gozatu

地址：荔枝角长沙湾道883号亿利工业中心 2 楼 17B 室

电话：9855 4640

营业时间：

星期一至六: 13:00–19:00

星期日: 13:00–18:00

第六站：泡菜中西混合点心 泡菜豚肉烧卖

最后一站所食的就是一间Fusion餐厅，杜如科就试咗几个看似特别的点心，包括：泡菜豚肉烧卖，番茄牛肉窝贴，龙虾汤小笼包。三个点心有韩色，有中式，又有西式特色，几有gimmark。但食落就觉得和普通的小笼包与烧卖分别不大。唯独番茄牛肉窝贴，番茄味重，窝贴的製作更加令皮与肉混合得刚刚好，所以佢就係杜如科之选啦！

厅2 Tang2

地址：荔枝角青山道475A号地下A舖

电话：2341 5788

营业时间：星期一至日: 11:00–22:00